म्याग्दी
म्याग्दीको मङ्गला गाउँपालिका–५ अर्मनमा पहिरो गई हिलबाङ गाउँ हुँदै बग्ने ठाडो खोला थुनिएपछि त्यसभन्दा तल्लो क्षेत्रका बस्तीहरुमा जोखिम सिर्जना भएको छ ।
सोमबार दिउँसो ४ः३० बजे अर्मनको पाखु सामुदायिक वनबाट पहिरो खस्दा ठाडो खोला थुनिएपछि खानिवास, कुर्सिला र खारापानी क्षेत्रमा जोखिम बढेको हो ।
वनबाट खसेको पहिरोले थुनिएको खोलामा ठूलो पोखरी बनेकाले तल्लो क्षेत्रमा जोखिम बढेको मङ्गला–५ का वडाअध्यक्ष भुपेन्द्रबहादुर खत्रीले बताएका छन् ।
खोला थुनिएपछि कुर्सिला र खारापानीका स्थानीय बासिन्दाहरु त्रसित बनेका छन् । साविकको अवस्थामा जस्तै पानी नबगेसम्म तल्लो तटीय क्षेत्रका बासिन्दाहरुलाई जोखिम रहेकाले स्थानिय प्रसाशनले सजग रहन अनुरोध गरेको छ ।
क्याटेगोरी : समाचार
ट्याग : #breaking
तपाईको कमेन्ट लेख्नुहोस्