तनहुँ
केहि दिन यता परेको अविरल वर्षाका कारण देशका विभिन्न जिल्लामा बाढि पहिरोको कारण ठुलो जनधनको क्षति भएको छ । यसैबिच तनँहुको विभिन्न ठाउँमा पहिरो जाँदा ११ जना पुरिएर बेपत्ता भएका छन् ।
पहिरोमा परिएर ऋषिङ गाउँपालिकाका–८ पल्ट्याङका एकै घरको ५ जना, व्यास नगरपालिका–९ माझकोटमा घर भत्किएर ४ जना र व्यास नगरपालिका–९ कै एक बृद्धा पुरिएको जिल्ला प्रहरी कार्यालय तनहुँका प्रहरी नायव उपरीक्षक युवराज तिमिल्सिनाले जानकारी दिएका छन् ।
त्यस्तै म्याग्दे गाउँपालिका–१ का एक सहित ११ जना बेपत्ता भएका छन् । ऋषिङ गाउँपालिका–८ का अनबहादुर थापाको ५ जना एकै घरका छोरा, बुहारी र नातिनी भएको जिल्ला प्रहरी कार्यालय तनहुँले जनाएको छ ।
त्यस्तै व्यास–९ माझकोटको केशरबहादुर थापाको घर भत्किदा ४ जना र सोही ठाउँका मान बहादुर घर्तीको ७० वर्षीया आमा घर भत्किदा पुरिएको तिमिल्सिनाले बताएका छन् ।
प्रभावित क्षेत्रमा स्थानिय र प्रहरीको टोलीले उद्धार कार्य गरिरहेको छ ।
फोटो : याम सारु मगर
क्याटेगोरी : अन्य, समाचार
ट्याग : #breaking
तपाईको कमेन्ट लेख्नुहोस्