लोकतन्त्रमा नाङ्गो आक्रमण नगर्न प्रधानमन्त्रीलाई साझा पार्टीको चेतावनी
काठमाडौं – साझा पार्टीले प्रधानमन्त्री केपी शर्मा ओलीलाई अनिष्टकारी कदम तुरुन्त फिर्ता लिन माग गरेको छ । साझा पार्टीका संयोजक रवीन्द्र मिश्रले अधिनायकवादतर्फको डरलाग्दो आकांक्षा भएको बताएका छन् ।
एक विज्ञप्ति जारी गर्दै उनले विज्ञप्तिमा भनेका छन्, ‘उक्त अनिष्टकारी कदम तुरुन्त फिर्ता लिन साझा पार्टी जोडदार माग गर्दछ ।’
संसदमा बलियो जनमत हुँदाहुँदै पार्टी फूटको बाटोमा लागेको भन्दै साझाले लोकतान्त्रिक पद्दतिको आत्मा मानिने शक्ति पृथकिकरणको मान्यतामाथिको नाङ्गो आक्रमण भएको बताएको छ ।
‘संसदमा बलियो जनमत हुँदाहुँदै संसदबाट नभइ पार्टी फूट र जुटको घृणित राजनीति तथा संवैधानिक निकायमाथिको पूर्ण नियन्त्रणबाट शासन चलाउन खोज्नु नेपालको दशकौँको लोकतान्त्रिक संघर्षकै उपहास हो । लोकतान्त्रिक पद्दतिको आत्मा मानिने शक्ति पृथकिकरणको मान्यतामाथिको नाङ्गो आक्रमण हो’, विज्ञप्तिमा भनिएको छ ।
क्याटेगोरी : समाचार
ट्याग : #breaking
तपाईको कमेन्ट लेख्नुहोस्