अमेरिकाबाट डा. तारा सिग्देल ‘रसायनशास्त्र विद्यार्थी संगठन नेपाल’को भर्चुअल अन्तरक्रियामा (१७औं शृङ्खलाको भिडियो सहित)

काठमाण्डौ

रसायनशास्त्र विद्यार्थी संगठन नेपालको ‘साप्ताहिक अनलाईन अन्तरक्रिया कार्यक्रम’ को १७ औं ऋङ्खला सम्पन्न भएको छ । शनिबार करिब २ घण्टा चलेको अन्तरक्रिया कार्यक्रममा पूर्व मेचीदेखि पश्चिम महाकालीसम्मका स्नातक र स्नातकोत्तर रसायनशास्त्र अध्ययनरत विद्यार्थी र अन्य सरोकारवालाहरु गरि करिब २०० जनाको सहभागीता रहेको थियो ।

कार्यक्रममा स्कुल अफ मेडिसिन, युनिभर्सिटी अफ क्यालिफोर्नियाका डा. तारा सिग्देलले ‘A Researcher’s Journey From Chemistry Into Medicine’ विषयमा बोलेका थिए । अन्तरक्रिया कार्यक्रममा विषयवस्तु सम्बन्धित उठेका आधा दर्जन बढी प्रश्नहरुको जवाफ डा. सिग्देलले दिएका थिए ।

कार्यक्रममा रिकास्टका कार्यकारी निर्देशक प्रा.डा. रामेश्वर अधिकारी, त्रि-चन्द्र बहुमुखी क्याम्पसका सह-प्राध्यापक डा.सुरेन्द्र गौतम, महेन्द्र मोरङ बहुमुखी क्याम्पस, विराटनगरका सह-प्राध्यापक नवराज रिजाल, अमृत साइन्स कलेजका उप-प्राध्यापक डा. देवल प्रसाद भट्टराई,अमेरिकाबाट राजेन्द्र पंगेनी लगायत देशभरका विभिन्न क्याम्पस र कलेजहरुमा अध्यापनरत प्राध्यापकहरुको उपस्थिति रहेको थियोे ।

कार्यक्रममा पीएचडी अनुसन्धान विज्ञहरु र रसायनशास्त्र, फार्मेसी, माइक्रोबायोलोजी र वायोटेक्नोलोजीका विद्यार्थीहरुको पनि सहभागीता रहेको थियो । राजेन्द्र जोशी, विकास निरौला, सौरभ कटुवाल र सिजन गौतम प्राविधिक रहेका थिए । उपाध्यक्ष दिपा सापकोटाले वक्ताको छोटो परिचय प्रस्तुत गरेको कार्यक्रममा संस्थाका अनुसन्धान संयोजन समितिका संयोजक सौरभ कटुवालले रिपोर्ट प्रस्तुत गरेका थिए । कार्यक्रम संस्थाका अध्यक्ष याम रोका मगरको अध्यक्षता र उपाध्यक्ष सुरज पन्थको सञ्चालनमा सम्पन्न भएको थियो ।

कोरोना भाइरसको कारण देश लकडाउन भएपछि संगठनले ‘अनलाईन अन्तरक्रिया’ कार्यक्रमको सुरुवात गरेको थियो । यसरी नै संसारभर विभिन्न देशहरुमा रहेका रसायनशास्त्रीहरुलाई पनि समेटि आगामी दिनका ’साप्ताहिक अन्लाईन अन्तरक्रिया’ कार्यक्रम आयोजना गरिने लक्ष्य रहेको अध्यक्ष मगरले जानकारी दिए । आगामी असोज १ गतेको ‘राष्ट्रिय विज्ञान दिवस’ लाई पनि संस्थागत रूपमा यसरी नै भर्चुअल मार्फत नै भए पनि भव्य तरिकाले मनाउने तयारी रहेको अध्यक्ष मगरले जानकारी दिएका छन् ।

भिडियोको लागि तलको लिंकमा जानुहोला .

थप समाचार

उत्कृष्ट प्रदर्शन गर्छौं– कप्तान किरणकुमार लिम्बू

पहिलो व्यावसायिक ‘चार्टर्ड’ उडान पोखरामा अवतरण

पूर्वराजा ज्ञानेन्द्र शाहले भिलेनको रुपमा सहयोग गरे : प्रचण्ड

कांग्रेस र एमाले मिल्दा जनतामा आत्मविश्वास बढेको छ : गृहमन्त्री

यो सरकारले भात रोटी खान्छ, घुस खाँदैन : प्रधानमन्त्री

सोरठी नाटकको रहस्य, अनि मञ्चनका रोचक अनि घोचक कुरा