काठमाडौं – स्वास्थ्य तथा जनसङ्ख्या मन्त्रालय र नेपाली सेनाले संयुक्तरूपमा महोत्तरीको सोन्मा गाउँपालिकामा सञ्चालन गरेको स्वास्थ्य शिविर हालसम्मकै वृहद् र सफल शिविरका रूपमा स्थापित भएको सेनाले जनाएको छ ।
आधारभूत स्वास्थ्य सेवाको पहुंचकै समस्या देखिएको उक्त क्षेत्रमा सेनाले सञ्चालन गरेको साताव्यापी निःशुुल्क शल्यक्रिया शिविरबाट २१ हजारभन्दा बढी नागरिक लाभान्वित भएका थिए ।
सञ्चालित उक्त शिविरमार्फत जुुकाको औषधि वितरणदेखि पाँच किलोसम्मको ट्युमर शल्यक्रिया गरी निकालिएको थियो । एक सय ८० जनाको विशेषज्ञ चिकित्सकसहितको स्वास्थ्य टोलीले उक्त शिविरमा साना ठूला गरी ३२९ वटा सफलतापूर्वक शल्यक्रिया गरेको थियो ।
गत मङ्सिर २७ देखि पुुस ५ गतेसम्म सञ्चालित उक्त शिविरबाट लामो समयदेखि आन्द्रामा प्वाल परेका, जटिल गर्भावस्थामा रहेका, हर्निया भएका र ट्युुमरका बिरामीले लाभ लिएको शिविर संयोजक सहायकरथी डा देवेन्द्रबहादुर खत्रीले जानकारी दिए । सेनाले त्यस क्षेत्रका डोम र मुुसहर समुदायमा जुुकाको औषधि वितरण गर्नुुका साथै वस्तीमा लामखुुट्टे निरोधक औषधि छिटेको थियो ।
उक्त शिविरमा उपचार गर्न आउने कतिपय बालक बिरामीमा जन्मजात मुुटुु प्वाल परेको तथा कुुपोषणको समस्या भेटिएको थियो । उक्त क्षेत्रका बिरामीमा महिलामा पाठेघर खस्ने समस्या देखिएको थियो भने पुरुष धेरैमा दम, पित्तथैलीको पत्थरी र हर्निया भेटिएको उनले बताए ।
उक्त शिविरमा सिन्धुली, धनुुषा, महोत्तरी र सर्लाहीका जनता ठूलो सङ्ख्यामा उपचारका लागि पुुगेका थिए । पुुरुषको तुलनामा उपचार गर्न आउने महिलाको सङ्ख्या बढी रहेको थियो ।
महोत्तरीका शिविरबाट नागरिक–सैनिक सम्बन्ध विस्तारमा ठूलो योगदान पुुगेको ठहर गर्दै उत्साहित भएको सेनाले निकट भविष्यमै नेपालगञ्जक्षेत्रमा पनि यस्तै बृहद् स्वास्थ्य शिविर सञ्चालन गर्ने सोच बनाएको सैनिक मुख्यालयमा आईतबार पत्रकार सम्मेलन गरी जानकारी दिएको हो ।
क्याटेगोरी : सुरक्षा
ट्याग : #breaking
तपाईको कमेन्ट लेख्नुहोस्